Եթե դուք անտարբեր չեք արևելյան հեքիաթների
հանդեպ և ցանկանում եք լցվել սիրո ու ջերմության ոգով, ապա այս իրադարձությունը
հենց ձեզ համար է:
Թայլանդը հայտնի է դեռ հնից եկող իր
ավանդույթների բազմազանությամբ, բայց դրանցից ամենահայտնին երկնային լուսատուների
փառատոնն է, որի ականատեսը ձգտում են դառնալ ոչ միայն տեղի բնակչները, այլև`
բազմաթիվ զբոսաշրջիկներ:
Այս միջոցառումը կոչվում է Իհի Փեն և
անցկացվում է տարվա երկրորդ ամսին ըստ Լաննա օրացույցի («Իհի» նշանակում է «երկրորդ»,
իսկ «Փեն»` «ամիս»):
Տոնը սկսել են նշել դեռ 13-րդ դարում, որտեղից
էլ եկել է հենց այն լեգենդը, համաձայն որի, լուսատուի արձակման պահին մարդը
հնարավորություն է ունենում մաքրել հոգին, կապի մեջ մտնել իր նախնիների հետ,
ամրապնդել ընտանեկան կապերը կամ էլ բոցավառել սիրո մարած զգացումը:
Կրակը խորհրդանշում է մաքրությունը, իսկ
լուսատուի թռիչքը` բարձրագույնին հասնելու ձգտումը: Այդ իսկ պատճառով համարվում
է,որ լուսատուների հետ միասին երկինքն են թռչում նաև դժբախտությունները, խնդիրներն
ու հոգսերը` թողնելով մարդկանց միայն լուսավոր ու բարի զգացմունքներ:
Մինչ երկնային լուսատուներին բաց թողնելը,
հաճելի է աղոթել, երազանք պահել: Շատ մարդիկ նույնիսկ կրակով այդ գնդերի մեջ դնում
են մետաղա- կամ թղթադրամներ: Հնարավոր է` նրանք այդպիսով օգնեն այն մարդկանց,
ովքեր կգտնեն արդեն երկրի վրա իջնող լուսատուները:
Երկնային լուսատուները (Խում Լոի) պատրաստված
են ավանդական ձևով` բրնձի յուղաթղթից կամ թթի տերևից` ներկված բամբուկից ստացվող
գույնով: Դրա մեջ դրվում է դեղնամոմից պատրաստված վառվող դետալը:
Լուսատուները պետք է բաց թողնել ոչ քամոտ
եղանակի ժամանակ` գտնվելով բաց տարածության մեջ: Պետք է լինել հեռու ծառերից կամ շինություններից:
Եթե լուսատուն խառնվում է ծառի ճյուղերի
հետ, ապա դա դժբախտության նշան է:
Ինչպես ցանկացած տոն, երկնային լուսատուների
փառատոնը նույնպես ուղեկցվում է ուրախությամբ, համեղ ուտեստներով և գեղեցիկ
տեսարաններով: Մարդիկ լցվում են դրական էմոցիաներով և երջանիկ ապագայի նկատմամբ
հավատով` «ճանապարհելով» իրենց ցանկությունները երկնքում վառվող կրակի հետ` հույսով լի նայելով
դրանց: Եթե ձեզ գոնե մեկ անգամ բախտ վիճակվի ականատեսը լինել այդ տոնի, ապա դուք
այն երբեք չեք մոռանա…
Աղբյուրը`pavelkesh.ru
http://trchoxlusatuner.zz.mu/
ОтветитьУдалить